ყარაბაღში საბრძოლო მოქმედებები გრძელდება- აზერბაიჯანული სახმელეთო ძალები აქტიურად უტევენ ჯებრაილის რაიონის მიმართულებით- მათ უკვე 10-ზე მეტი სოფელი აიღეს. თავდაცვის სამინისტროს აქვეყნებს ვიდეოკადრებს სოფელ შუკერბეილის გათავისუფლებასთან დაკავშირებით. დასახლებული პუნქტის შესასლელში დამონტაჟებულ სომხურ წარწერას აზერბაიჯანულმა მხარემ ეროვნული დროშა გადააკრა.

აზერბაიჯანული თავდაცვის სამინსიტროს ინფორმაციით, 27 სექტემბრიდან 7 ოქტომბრის ჩათვლით მოწინააღმდეგე მხარის დანაკარგეები შეადგენს 250-მდე ტანკსა და ჯავშანტექნიკას, 270-მდე საარტილერიო დანადგარს, მათ შორისაა ზალპური ცეცხლის რეაქტიული სისტემები და ნაღმტყორცნები. აზერბაიჯანელთა თქმით, აგრეთვე განადგურებულია 60 ჰაერსაწინააღმდეგო სისტემა, მართვის 11 საკომანდო პუნქტი, 8 იარაღის საწყობი და 150-მდე ავტომობილი.