სომხეთის თავდაცვის უწყების ოფიციალურმა წარმომადგენლებმა აზერბაიჯანელთა მიერ სტეფანაკერტის მასირებული საარტილერიო დაბომბვების შესახებ განაცხადეს. არცრუნ ჰოვანისიანის თქმით, მასშტაბურად იბომბება თვითაღიარებული ყარაბაღის სამოქალაქო დასახლებებზე იერიში.

სომხური არმიის პრესსპიკერმა გამოაქვეყნა დაბომბილი სტეფანაკერტის ვიდეოკადრები, სადაც ასახულია დანგრეული სახლები და აფეთქებული მანქანები. მოსახლეობა დაბომბვის აქტიური ფაზის დროს იყენებს სარდაფებს. გავრცელებული ინფორმაციით, აზერბაიჯანული მხარე ყარაბაღის ე.წ დედაქალაქს შორსმსროლელი სარაკეტო ზალპური ცეცხლის საარტილერიო სისტემებით ბომბავს. ადგილობრივი ჟურნალისტები იუწყებიან სამხედრო დანაშაულის შესახებ- აზერბაიჯანი იყენებს კასეტურ საბრძოლო მასალებს, რომელიც ცოცხალი ძალის გასანადგურებლად გამოიყენება.

შეგახსენებთ, რომ ომი ორ სახელმწიფოს შორის 27 სექტემბერს განახლდა და დღემდე აქტიურ ფაზაში მიმდინარეობს- ორივე მხარე თითქმის ყველა სახის შეიარაღებას იყენებს, რაც მათ ხელშია.