„გასული დღე-ღამის განმავლობაში ქვეყანაში დაფიქსირდა 508 ახალი დადასტურებული შემთხვევა. წინა დღეს იყო 549, დღეის მონაცემებით, ცოტათი შემცირებულია ნოლო მაჩვენებელი. ამჟამად, საქართველოში საერთო შემთხვევების რაოდენობაა 9 753, აქედან 50%-ზე მეტი გამოჯანმრთელებულია, ეს შეესაბამება 5 235 პაციენტს, ბოლო 24 საათში გამოჯანმრთელდა 348 პაციენტი, შესაბამისად, აქტიური შემთხვევა გახლავთ 4 518. აქედან 58 არის კრიტიკულად მძიმე პაციენტი, მათ შორის 8 ოკუპირებული ტერიტორიიდან არის გადმოყვანილი.

რაც შეეხება რეგიონების მიხედვით განაწილებას, აჭარაში შედარებით შემცირდა შემთხვევათა რაოდენობა, ბოლო 24 საათში კი გამოვლინდა 259 ახალი შემთხვევა, ცოტა მომატებულია თბილისში - 111 დადასტურებული შემთხვევა გამოვლინდა. იმერეთში გახლავთ 91, სამეგრელო-ზემო სვანეთი - 25, გურიაში - 8, ქვემო ქართლსა და მცხეთა-თიანეთში 5-5 ახალი შემთხვევა, შიდა ქართლსა და კახეთში 2-2“ - განაცხადა ენდელაძემ.