„გასული დღე-ღამის განმავლობაში საქართველოში გამოვლინდა 549 ახალი დადასტურებული შემთხვევა. ამით ინფიცირებულთა საერთო რიცხვი 9 245 გახდა. აქედან გამოჯანმრთელებული გახლავთ 4 887 პაციენტი. ბოლო 24 საათში გამოჯანმრთელდა 268 პაციენტი, მათ შორის 209 აჭარის რეგიონში.

აქტიური ქეისი გახლავთ 4 358 პაციენტი. აქედან კრიტიკულად მძიმე პაციენტების რაოდენობა 55-ია, მათ შორის 9 ოკუპირებული ტერიტორიიდან არის გადმოყვანილი.

განაწილება რეგიონების მიხედვით ასეთია: აჭარა კვლავ ლიდერობს - 348 ახალი შემთხვევა, თბილისი - 99, იმერეთი -59, სამეგრელო-ზემო სვანეთში - 19, მცხეთა-თიანეთში - 10, დანარჩენ რეგიონებში არის ერთეული შემთხვევა, რაჭა-ლეჩხუმი, ქვემო სვანეთში თითო-თითო შემთხვევა, კახეთსა და გურიაში 3-3, შიდა ქართლში - 4, ქვემო ქართლში - 1, სამცხე-ჯავახეთშიც 1 შემთხვევა“ - განაცხადა ენდელაძემ.