ის ასევე გამოდის რეკომენდაციით, რომ საქართველო-ბელარუსის საფეხბურთო ნაკრებების მატჩი გულშემატკივრების გარეშე ჩატარდეს, რადგან არის საშიშროება, რომ კოვიდინფექცია უფრო მეტად გავრცელდეს:

„ჩემი პირადი რეკომენდაცია არის ის, რომ თამაში უნდა ჩატარდეს მაყურებლის გარეშე. უეფამ ეს გადასაწყვეტად ქვეყნებს დაუტოვა, სტადიონის საერთო მაყურებლის 30% დასწრებით.

ქვეყანაში ეპიდემიის გავრცელების ეტაპზე ჩვენ, დაავადებათა კონტროლის ეროვნული ცენტრი რეკომენდაციას ვერ მივცემთ იმის შესახებ, რომ მატჩი მაყურებლის დასწრებით ჩატარდეს", - განაცხადა ამირან გამყრელიძემ.