აზერბაიჯანის თავდაცვის სამინისტრომ გამოაქვეყნა პირველი ვიდეოკადრები ყარაბაღში გათავისუფლებული, სტრატეგიული მნიშვნელობის მქონე სოფელ თალიშიდან. აღნიშული დასახლებული პუნქტი ფრონტის ჩრდილოეთ ზონაში მდებარეობს. კადრებში ასახულია აზერბაიჯანელ სამხედროებს თუ როგორ შეაქვთ ეროვნული დროშა ყარაბაღში გარდაცვლილ სომეხ ჯარისკაცთა მემორიალზე. ვიდეოზე ნაჩვენებია სოფლის ადგილობრივი ხელისუფლების შენობაზე აზერბაიჯანული დროშის აფრიალების მომენტიც
როგორც კადრებიდან ირკვევა, სახლები ცარიელია-სომეხი მოსახლეობის აბსოლუტურმა უმრავლესობამ აღნიშნული სოფელი დატოვა და სომხეთში გაემგზავრა.
შეგახსენებთ, რომ აზერბაიჯანელების თქმით, ბოლო 8 საათის განამვლობაში 11 სოფელია გათავისუფლებული ყარაბაღში. სამხედრო ჟურნალისტებმა აჩვენეს აზერბაიჯანელთა ბაზა, სადაც ნაალაფარი სომხური ტექნიკაა განლაგებული- მათ შორისაა 3 ტანკი, ტ 72 და ათეულობით ურალის ტიპის სატვირთო ავტომობილი




მასალის გამოყენების პირობები






