“კარვები უნდა ავიღოთ, რადგან ამ მოედანზე საახალწლო ნაძვის ხე და ყინულის მოედანი უნდა იყოს”, - ამის შესახებ განცხადება კიევის მილიციის უფროსმა იური კორიაკმა გააკეთა, როცა ევრომოედნის შტურმის თაობაზე ისაუბრა. 

მისი თქმით, სამართალდამცველების მხრიდან იერიშის მიტანის მიზეზი სწორედ საახალწლო სამზადისისთვის მოედნის გათავისუფლება იყო. კორიასი აცხადებს, რომ ჯერ არ იცის, იქნება კი არა კიდევ ერთი შტურმი: 

“თუკი კიევის კეთილმოწყობის სამსახური მოგვმართავს, რა თქმა უნდა, კარვების დემონტაჟს მოვახდენთ, თუ არ მოგვმართავს, არ მოვახდენთ”, - ამბობს უკრაინის დედაქალაქის მილიციის უფროსი.