ქალი იმ დროს იპოვნეს მდინარესთან ახლოს, როდესაც სისხლისგან იცლებოდა. მის დასახმარებლად მისულ პირებთან სწორედ მაშინ აღიარა შვილის - მცირეწლოვან ისააკ კარილიო ბარბოსას მკვლელობა.

მოგვიანებით ბავშვის ცხედარიც იპოვნეს ახლომდებარე ტყეში.

ოჯახის ახლობლებისთვის გაუგებარია, რატომ მოკლა ქეროლაინმა თავისი ვაჟი, გამოძიებას კი რამდენიმე ვერსია აქვს, რომელთა შორის ერთ-ერთია ეჭვიანობა - სავარაუდოდ, ბავშვის მამა მის ვაჟს უფრო მეტ დროს უთმობდა და ეს ქალისთვის არც თუ ისე სასიამოვნო აღმოჩნდა.

ქეროლაინის ადვოკატის განცხადებით, დანიშნულია ფსიქოლოგის ექსპერტიზა, რომელმაც უნდა დაადგინოს, იმყოფებოდა თუ არა ქალი დანაშაულის ჩადენის დროს აფექტის მდგომარეობაში ან აქვს თუ არა მას რაიმე ფსიქიკური დარღვევა, რაც მის საქციელს გარკვეულ ახსნას მისცემს.