ამ ეტაპზე მხოლოდ აღნიშნული რეისი იქნება დაშვებული. ავიაკომპანია Wizz Air ქუთაისი-რიგა-ქუთაისის რეისს კვირაში ერთხელ შეასრულებს. თუმცა, მოსალოდნელია ფრენის სიხშირეებისა და მიმართულებების რაოდენობის ზრდა, რაც ძირითადად ქვეყანაში არსებულ ეპიდვითარებაზე იქნება დამოკიდებული.

ფრენები გარკვეული რეგულაციების დაცვით განხორციელდება, რათა მგზავრები მაქსიმალურად უსაფრთხოდ იყვნენ და ვირუსით დაინფიცირების რისკი მინიმუმამდე იყოს დაწეული.

შეგახსენებთ, რომ საქართველოში საჰაერო მიმოსვლა კორონავირუსის გამო მნიშვნელოვნად იყო შეზღუდული, მოქალაქეებს კი მხოლოდ თბილისის აეროპორტი ემსახურებოდა.