50-ზე მეტმა ქალმა საერთაშორისო სამედიცინო დახმარების თანამშრომლები მსოფლიო ჯანდაცვის ორგანიზაციიდან და სხვა წამყვანი არასამთავრობო ორგანიზაციებიდან სექსუალურ ექსპლუატაციასა და ძალადობაში დაადანაშაულა. მათი თქმით, აღნიშნული ძალადობრივი დამოკიდებულება ხორციელდებოდა კონგოს დემოკრატიულ რესპუბლიკაში მიმდინარე ებოლას პანდემიის განმავლობაში.

51-მა კონგოს მაცხოვრებელმა ქალმა განაცხადა, რომ მსოფლიო ჯანდაცვის ორგანიზაციის თანამშრომლები მათზე სისტემატურად ძალადობდნენ 2018 -2020 წლებში. დაზარალებულებმა განაცხადეს, რომ მამაკაცები ისინი ინტენსიურად სთავაზობდნენ სექსუალურ ურთიერთობას სამსახურის სანაცვლოდ, იმ შემთხვევაში თუ უარს აცხადებდნენ, კონტრაქტს უწყვეტდნენ.

ზემოხსენებული ქალების თქმით, მათ ჯანდაცვის მსოფლიო ორგანიზაციის მუშაკები სექსუალური ურთიერთობის დამყარების მიზნით ეპატიჟებოდნენ სასმელზე, ზოგირთს ოფისებსა და საავადმყოფოში აიძულებდნენ სექსუალურ მომსახურებას, რამდენიმე მათგანი კი საერთო ჩაკეტეს ოთახებში და აშინებდნენ სიკვდილით, დაწვით იმ შემთხვევაში თუ მათ ბრძანებებს არ შეასრულებდნენ.

აღნიშნულ ბრალდებას გამოეხმაურა გაეროს გენერალური მდივანი და მოითხოვა სრულყოფილი გამოძიება აღნიშნულ საკითხთან მიმართებით.

როგორც ცნობილი ხდება, აღნიშნული ქალები, რომლებიც პანდემიის დროს კონგოში ჩამოსული ჯანდაცვის საერთაშორისო ორგანიზაციის მუშაკების მსხვერპლნი გახდნენ, მზარეულებად, დამლაგებლებად და საზოგადოებასთან უერთიერთობის განყოფილებებში მუშაობდნენ. მათი ხელფასი ჯანდაცვის მსოფლიო ორგანიზაციის წარმომადგენლებთან მუშაობის განმავლობაში შეადგენდა თვეში 50-100 $-ს.