ჯანდაცვის მინისტრი მოსახლეობას სახლში დარჩენისკენ მოუწოდებს, რომ მთავრობას ახალი შეზღუდვების დაწესება არ მოუწიოს.

მინისტრის თქმით, აუცილებელია პირბადის ტარება და სოციალური დისტანციის დაცვა.

"მოვუწოდებ მოსახლეობას, რომ აუცილებლად დავრჩეთ სახლში და გავუფრთხილდეთ ერთმანეთს სწორედ იქიდან გამომდინარე, რომ ჩვენ არანაირი შეზღუდვები არ დავაწესოთ. სამთავრობო გუნდს მიზნად არ აქვს შეზღუდვების დაწესება, მაგრამ რეკომენდაციებს გავცემთ, რომ გამოვიყენოთ პირბადე, დავიცვათ სოციალური დისტანცირება და დავიცვათ ჩვენი მოსახლეობის ის ნაწილი, რომელიც არის მაღალი რისკის მატარებელი", - განაცხადა ტიკარაძემ.