ყარაბაღში შეიარაღებული შეტაკებები სომხეთსა და აზერბაიჯანს შორის ამ დრომდე გრძელდება. გასული ღამის განმავლობაში იკლო უპილოტო დამრტყმელი დრონებისა და შორსმსროლელი არტილერიის გამოყენების ფაქტებმა ორივე მხრიდან. 2 ოქტომბის დილის საათებში საომარი მოქმედებები განახლდა ფრონტის სხვადასხვა მიმართულებით.

აზერბაიჯანის თავდაცვის სამინისტროს განცხადებით, აგდერის მიმართულებით სამხედროებმა აიღეს და მტრის სამხედროებისგან სრულად გაათავისფულეს სიმაღლეები მადაგიზისა და სხვა დასახლებული პუნქტების გარშემო. აგრეთვე სომეხთა თავდაცვითი ხაზი გარღვეულია ჯებრაილ-ფიზულის მიმართულებაზე, სადაც სამხედროებმა მოახერხეს სომხური დანაყოფების წინააღმდეგობის გადალახვა, აიძულეს უკან დახევა. თავდაცვის უწყების თქმით, აზერბაიჯანული მხარე აგრეთვე აკონტროლებს ტერიტორიებს მუროვდაგის მიმართულებითაც.

„ღამის 12-იდან 07:00 საათამდე 5 ჯავშანმანქანა, 3 სამხედრო პოზიცია და მტრის ქვეითთა ჯარის ძალზე დიდი რაოდენობა იქნა განადგურებული“ - განაცხადეს თავდაცვის სამინისტროში.

აზერბაიჯანული მხარის მტკიცებით, მათ მოიპოვეს ინფორმაცია, რომ სომეხი მოხალისეები, რომლებიც სომხეთიდან ჩამოვიდნენ ყარაბაღში, სხვადასხვა მიზეზით უარს აცხადებენ ბრძოლაზე- ეშინიათ საომარი მოქმედებების ინტენსივობისა და დიდი დანაკარგების.