მწერალთა სახლის ხელშეწყობით ქართველი პოეტი, ლია სტურუა 2020 წლის ტრანსპოეზიისფესტივალში მიიღებს მონაწილეობას.

ფესტივალის ფარგლებში ლია სტურუას ლექსი დაიბეჭდა ბრიუსელის მეტროს ვაგონებში ქართულ, ფრანგულ და ჰოლანდიურ ენებზე.

ჰოლანდიურ ენაზე ლექსი თარგმნა ინგრიდ დეხრავემ, ფრანგულ ენაზე კი ბაჩანა ჩაბრაძემ.

*** (რამდენი უპასუხობა)

რამდენი უპასუხობა

რამდენი სართული თავზე,

საძირკველი გტკივა,

ჯერ მიწა ხომ არა ხარ,

დუმილს, მაინც, სწავლობ,

გარედან ვინც გეხება,

ისინიც არ დააფრთხო.

ამაზე უარესია,

ფანჯრიდან რომ გაიხედავ

და ვერავის ეტყვი:

- რა კარგი ამინდია!