განცხადებაში, რომელიც ოფიციალურ ვებგვერდზე განთავსდა, ნათქვამია, რომ აშშ იმედგაცრუებულია უკრაინის გადაწყვეტილებით.

"აშშ უერთდება ევროკავშირის იმედგაცრუებას უკრაინის მთავრობის გადაწყვეტილებასთან დაკავშირებით, შეაჩეროს ევროკავშირთან ასოცირების შეთანხმებისა და ღრმა და ყოვლისმომცველი თავისუფალი ვაჭრობის შეთანხმებაზე ხელმწორა. ევროკავშირმა უკრაინას ისტორიული შესაძლებლობა შესთავაზა, გაემაგრებინა ევროპული მომავალი მისი ხალხისთვის და დემოკრატიული რეფორმების მიმართ მისი ურყევობის დემონსტრირება მოეხდინა, საერთაშორისო ფინანსური ინსტიტუტებისა და ინვესტორების წინაშე.

ჩვენ ვდგავართ უკრაინელთა დიდ უმრავლესობასთან ერთად, ვისაც სურთ მათი ქვეყნის ასეთი მომავალი და ჩვენ ვაფასებთ ევროკავშირს, იმისათვის რომ ღიას ტოვებს კარს. ამერიკის შეერთებული შტატები დარწმუნებულია, რომ უკრაინის ევროპასთან ინტეგრაცია, არის ყველაზე სანდო კურსი ეკონომიკის აყვავებისა და დემოკრატიისათვის," - ნათქვამია აშს-ს სახელმწიფო დეპარტამენტის განცხადებაში.

უკრაინის მთავრობამ მიიღო გადაწყვეტილება, რომლის თანახმადაც, ევროკავშირთან ასოცირების ხელშეკრულების გაფორმების მზადების პროცესი შეჩერდა.