აზერბაიჯანის თავდაცვის სამინისტროს განცხადებით, სომხეთის სამხედრო უწყების მიერ გავრცელებული ინფორმაცია აზერბაიჯანის არმიის დანაკარგებთან დაკავშირებით სიმართლეს არ შეესაბამება და უსაფუძვლოა. აზერბაიჯანელი სამხედრო მაღალჩინოსნის თქმით, აღნიშნული საინფორმაციო პროპაგანდის გავრცელება სომეხთა მხრიდან მიზნად ისახავს მათი ადგილობრივი მოსახლეობის შეშფოთებისა და ქაოსის შემცირებას.

დაზვერვის მიერ მოპოვებული ინფორმაციის თანახმად, სომხეთის შეირაღებულმა ძალებმა სერიოზული დანაკარგები განიცადა- განადგურდა 22 ტანკი და სხვა სახის ჯავშანტექნიკა, 15 საზენიტო-სარაკეტო სისტემა OCA, 18 უპილოტო აპარატი და 8 საარტილერიო დანადგარი. დანაკარგმა ცოცხალ ძალაში შეადგინა 550 ადამიანი დაღპულებისა და დაჭრილების სახით. ფრონტის სხვადასხვა მიმართულებაზე განეიტრალებული იქნა სომხეთის 3 საბრძოლო მასალათა საწყობი.

გავრცელებული ინფორმაციით, აზერბაიჯანელი სამხედროები განსაკუთრებული წარმატებით იყენებენ თურქული წარმოების BAYRAKTAR-ის წარმოების დამრტყმელ უპილოტო საფრენ აპარატებს, რომლითაც ახორციელებენ სომხური არმიის ვიდეო მონიტორინგს და სამხედრო სამიზნეებს ანეიტრალებენ პლანირებადი ბომბებითა და მართვადი ტანკსაწინააღმდეგო რაკეტებით.

აქტიურად ხდება აგრეთვე მსხვილკალიბრიანი ზალპური საარტილერიო დანადგარების, მათ შორის smerch-ის გამოყენება სომხური არმიის პოზიციებზე.

აზერბაიჯანული მედიის თქმით, სოფელ თალიშის მიმართულებით ბრძოლების შედეგად მოკლული იქნა სომეხთა სადესანტო-მოიერიშე ბატალიონის ხელმძღვანელი, პოდპოლკოვნიკი ლერნიკ ბაბაიანი, ხოლო პირადმა შემადგენლობამრ, რომელსაც იგი სარდლობდა დიდი დანაკარგები განიცადა.

„სომეხთა რიგებში დაჭრილთა მასშტაბური რაოდენობის გამო, საავადმყოფოებში საწოლების დეფიციტია, აგრეთვე სისხლის მარაგის ნაკლებობასაც განიცდიან“ - განაცხადა აზერბაიჯანის თავდაცვის სამინისტრომ.