კორონავირუსი ქუთაისის კლინიკა „ბომონდში“ 7 წლის პაციენტმა დაამარცხა. კოვიდცენტრი დატოვა 5-მა უსიმპტომო პაციენტმა, რომლებიც სხვადასხვა საკარანტინო სივრცეში გადანაწილდნენ.

ამ დროისთვის კოვიდკლინიკაში დადასტურებული COVID19-ით 90 პაციენტია მოთავსებული. მათ შორის ათი ორსულია.

„კრიტიკულად მძიმე რჩება აჭარის ხანდაზმულთა პანსიონატიდან გადმოყვანილი ხანდაზმული ქალის ჯანმრთელობის მდგომარეობა. საერთო ჯამში, სტაციონარში მოთავსებული პაციენტების ჯანმრთელობის მდგომარეობა საშუალო სიმძიმისაა. თითოეულ მათგანს შესაბამისი მკურნალობა უტარდება“,-ამბობს კლინიკა „ბომონდის“ კლინიკური მენეჯერი მამია ყიფიანი.