საქართველოს დიდ ქალაქებში პირველი ოქტომბრიდან საკლასო ოთახში სწავლა მხოლოდ პირველიდან მეექვსე კლასის ბავშვებისთვის განახლდება. ჩამონათვალში არ შედის აჭარა, სადაც მძიმე ეპიდვითარებაა.

მთავრობის ადმინისტრაციის უფროსის ნათია მეზვრიშვილის თქმით, ყველა ქალაქში სწავლის სხვადასხვა მოდელი შეირჩევა და მშობლებს ექნებათ საშუალება აირჩიონ კონკრეტული სწავლების მოდელი.

„ყველგან, სადაც დღეს დისტანციურად მიმდინარეობს სწავლა, გარდა აჭარის რეგიონისა, პირველი ოქტომბრიდან, პირველიდან მეექვსე კლასის ჩათვლით მოსწავლეები ფიზიკურად საკლასო ოთახებში გააგრძელებენ სწავლას. ეს ეხება თბილისს, ქუთაისს, რუსთავს და ზუგდიდს.

ამასთან, ფოთსა და გორში პირველი ოქტომბრიდან სწავლა გაგრძელდება ყველა კლასში.

ასევე, ჩემ მიერ ჩამოთვლილ ქალაქებში, სადაც დღეს დისტანციურად არის სწავლა და პირველი ოქტომბრიდან საკლასო ოთახებში გრძელდება, მშობლებს ექნებათ საშუალება, აირჩიონ კონკრეტული სწავლების მოდელი“,- განაცხადა ნათია მეზვრიშვილმა.