საქართველოში კორონავირუსით 26-ე პაციენტი გარდაიცვალა. Stopcov.ge-ს მონაცემებით, დღეს, 24 სექტემბერს კორონავირუსით ინფიცირების 259 ახალი შემთხვევა გამოვლინდა, 62 ადამიანი კი გამოჯანმრთელდა. დაავადებათა კონტროლის ცენტრის ცნობით, ბოლო 24 საათში 9 575 ტესტი გაკეთდა.

საქართველოში ამ დროისთვის ინფიცირების 4 399 შემთხვევაა დადასტურებული, მათ შორის 1 705 პაციენტი გამოჯანმრთელდა, 26 კი გარდაიცვალა.