გამოძიების მიერ გავრცელებული ინფორმაციის თანახმად, 24 აგვისტოს წყვილმა იჩხუბა, რის შემდეგაც ქალმა ქმარს გულმკერდის არეში მრავლობითი ჭრილობა მიაყენა. მამაკაცი მიღებული ტრავმებისგან ადგილზე გარდაიცვალა. 33 წლის ქალმა მთელი დღე დაჰყო იმაზე ფიქრში, თუ რა უნდა გაეკეთებინა გვამისთვის, ბოლოს კი მტკიცებულებების მოშორება გადაწყვიტა.

- ქმარი მოკლა, ცხედარი დაანაწევრა, პოლიეთილენის პარკებში ჩააწყო და ქალაქ ვოლჟსკის სხვადასხვა ტყის პლანტაციებში დამარხა, რის შემდეგაც იგი ჩვეულ ცხოვრებას დაუბრუნდა - ნათქვამია გამოძიების მიერ შედგენილ ანგარიშში.

ქალი მოგვიანებით დაფიქრდა იმაზე, რომ შესაძლებელი იყო ნეშტის ნაწილები ცხოველებს ამოეთხარათ და წაეღოთ. ის ნერვიულობდა, რომ დანაწევრებული გვამი დროის სიმცირის გამო საკმარისად ღრმად არ დამარხა. შეშინებულმა ცოლმა მომხდარის შესახებ თავის მეგობარს უამბო. ამის შემდეგ კი მას სამართალდამცველებმა მიაკითხეს.

ქმრის მკვლელობაში ეჭვმიტანილმა აღიარა, რომ შემთხვევის დროს მისი მცირეწლოვანი შვილები სახლში იმყოფებოდნენ, თუმცა მაქსიმალურად ეცადა, რომ ბავშვებს ყოველი დეტალი არ ენახათ.

რუსეთის მოქალაქეს განზრახ მკვლელობის განსაკუთრებული სისასტიკით ჩადენისთვის წაუყენეს ბრალი.