თბილისის ინფექციური საავადმყოფოს ბოქსირებული განყოფილების ხელმზღვანელის მარინა ენდელაძის განცხადებით, ინფიცირებულების რაოდენობით კვლავ აჭარა ლიდერობს.

„ჯერ-ჯერობით კვლავ ლიდერობს აჭარა - იქ დღეს 137 კოვიდინფიცირებული გამოვლინდა, რაც შეეხება თბილისს, აქ 47 ახალი შემთხვევა გვაქვს. სამეგრელო-ზემო სვანეთში - 6, იმერეთში - 26, გურიაში კი 2 ახალი შემთხვევა. გამოჯანმრთელებულთა რაოდენობა 1574-ია - ეს 50%-ზე ცოტა ნაკლებია.

დღეს ორი პაციენტი გარდაიცვალა. აქედან ერთ-ერთი 67 წლის მამაკაცია, რომელიც ბათუმის რესპუბლიკურ საავადმყოფოში გადიოდა მკურნალობის კურსს, თუმცა მისი მდგომარეობა კრიტიკულად მძიმე იყო. ჰქონდა სხვადასხვა თანმხლები დაავადებები - არტერიული ჰიპერტენზია, ინსულტი, დიაბეტი, ქრონიკული მოციმციმე არითმია და, შესაბამისად, ამ პაციენტის მდგომარეობიდან გამოყვანა ვერ მოხერხდა.

რაც შეეხება მეორე პაციენტს, ის ქუთაისის კლინიკაში ბათუმის რეფერალური საავადმყოფოდან 20 სექტემბერს გადმოიყვანეს, იყო ასევე უკიდურესად მძიმე, კრიტიკულ მდგომარეობაში, მასაც ჰქონდა თანმხლები ქრონიკული დაავადებები - დიაბეტი, ინსულტი, თავის ტვინის ქერქის ორმხრივი ატროფია, მწვავე პნევმონია, გულის იშემიური დაავადება და, შესაბამისად, ვერ ამ პაციენტის გამოყვანა მოხერხდა მდგომარეობიდან.

საერთო ჯამში, ქვეყანაში 16 კრიტიკულად მძიმე პაციენტი გვყავს“ - განაცხადა მარინა ენდელაძემ ჟურნალისტებთან საუბრისას.