საქართველოში კორონავირუსით ინფიცირების ახალი შემთხვევები დადასტურდა. ინფორმაციას ამის შესახებ დაავადებათა კონტროლის საზოგადოებრივი ჯანმრთელობის ეროვნული ცენტრის გურიის განყოფილების ხელმძღვანელი არჩილ მჟავია ავრცელებს.

მჟავიას ცნობით, გურიაში, კორონავირუსის 4 ახალი შემთხვევა გამოვლინდა.

„დღეს დილით ვთქვით, რომ ინფიცირების 4 ახალი შემთხვევა გქონდა. მოგვიანებით დაემატა კიდევ 4. შესაბამისად, ინფიცირებულთა რაოდენობა ოზურგეთში დღეს 8 ერთეულით გაიზარდა. ჯამში ოზურგეთში 30, გურიაში კი 43 კოვიდინფიცირებულია.ყველა მათგანი თავს დამაკმაყოფილებლად გრძნობს და ისინი მსუბუქი სირთულის პაციენტებად ითვლებიან“, - განაცხადა არჩილ მჟავიამ.