პარტია „ჩვენი საქართველო-სოლიდარობის ალიანსის“ წევრი გედევან ფოფხაძე აცხადებს, რომ საავადმყოფოში ირანელი ტურისტის ამბის მსგავსი რამ გადახდა თავს.

გედევან ფოფხაძე ჰყვება, რომ მას ჯერ უთხრეს, რომ ვირუსით ინფიცირებული არაა და შეეძლო წასულიყო, თუმცა შემდეგ კარში შეაჩერეს და წასვლის უფლება არ მისცეს.

„დილით მომდის ინფორმაცია, რომ მე უარყოფითი შედეგი მაქვს. ვკითხულობ, ეს ნამდვილია თუ არა? მიდასტურებენ. ვემზადები წასასვლელად, ვაგროვებ ნივთებს, ვემზადები რომ გავიდე და კარებთან მაჩერებენ. ირანელი ტურისტის ამბავი თუ გახსოვთ, ამდაგვარი სცენარის პერსონაჟი გავხდი. მე კი მორჩილად გავაპროტესტე, რომ არ შეიძლება ასე, ცოტა მაინც გაუფრთხილდით ერთმანეთს. რომ გეუბნებიან „წადი“ და მერე გაბრუნებენ, ეს ფსიქიკაზე მოქმედებს. აღმოჩნდა რომ დადებითია. დავნებდი ბედს, მივიღე რეალობა, როგორც შეიძლებოდა,” – ამბობს გედევან ფოფხაძე.