აჭარაში 400-მდე საწოლია მობილიზებული - 48 საათის განმავლობაში რაოდენობას კიდევ 170 საწოლი დაემატება - ამის შესახებ ჯანდაცვის მინისტრმა, ეკატერინე ტიკარაძემ განაცხადა.

"აღსანიშნავია, რომ ჩვენ გადავედით ახალ პროტოკოლზე, რომელიც გულისხმობს იმას, რომ პაციენტების ნაწილი, რომელსაც სიმპტომები არ აქვს, მკურნალობას გაივლიან სასტუმროებშ, რომლებშიც ასევე განთავსებული არიან სამედიცინო პერსონალი და განხორციელდება მუდმივი მონიტორინგი. საჭიროების შემთხვევაში, რა თქმა უნდა, ჩვენ ვიცით, რომ კოვიდინფექცია არ მიმდინარეობს უსიმპტომოდ და შესაძლებელი არის ასევე პაციენტების გართულებული შემთხვევების მართვა, ისინი კვლავ მოთავსდებიან და დაბრუნდებიან სტაციონარში." - ამბობს ტიკარაძე.