ისრაელის შეიარაღებულმა ძალები საჰაერო ავიაიეირიშებს ღაზის სექტორის ტერიტორიაზე ოთხშაბათს მთელი ღამის განმავლობაში ახორციელებდნენ. ავიარეიდების შედეგად დაზიანდა და განადგურდა შენობები.

პალესტინის სახელმწიფო მედიის, WAFA-ს თქმის, ებრაულმა მოიერიშეებმა ღაზის ჩრდილოეთი სექტორის ნაწილი, ბეიტ ლაია, ღაზის ცენტრალური და სამხრეთ უბნები დაბომბეს. ამ დრომდე უცნობია არის თუ არა მსხვერპლი.

აღნიშნულ ინციდენტს აგრესიულად უპასუხა ჰამასმა და პირობა დადო, რომ ებრაელთა დანაშაულებრივ ქმედებებს აუცილებლად გასცემენ ადეკვატურ პასუხს.

ებრაელთა არმიის სარდლობამ დაადასტურა საჰაერო იერიშების ფაქტი- მათი თქმით, სულ 10 ავიადაბომბვა განხორციელდა ჰამასის კონტროლირებად ტერიტორიებზე.

შეგახსენებთ, რომ სამშაბათს საღამოს ღაზას სექტორიდან ისრაელის ტერიტორიის მიმართულებით ორი რაკეტა იქნა გაშვებული, რომელთაგან ერთი ებრაული საზენიტო სისტემა რკინის გუმბათის მიერ იქნა ნეიტრალიზებული, ხოლო მეორე კი საპორტო ქალაქ აშდოდში ჩამოვარდა, რის შედეგადაც ორი ადამიანი მძიმედ დაიჭრა.