რუსეთის ჯანდაცვის სამინისტრო სენსაციურ ინფორმაციას ავრცელებს კორონავირუსის გავრცელებასთან დაკავშირებით- უწყების თქმით, რეგიონებში 46 შემთხვევა აღინიშნა ისეთი, რა დროსაც კოვიდ 19 წყალსა და ქვიშაში აღმოაჩინეს. ამის შესახებ ინფორმაცია 15 სექტემბერს მეცნიერებათა აკადემიის პრესდიუმის შეხვედრაზე განაცხადა ქვეყნის მთავარმა ეპიდემიოლოგმა, ანნა პოპოვამ.

კვლევა კორონავირუსის წყალსა და ქვიშაში არსებობასთან დაკავშირებით რუსეთის ყველა რეგიონში დაიწყო 2020 წლის 3 სექტემბრიდან- მკვლევარები კოვიდ 19-ზე შემოწმებისათვის იღებენ როგორც სასმელი, აგრეთვე გამდინარე წყლის ნიმუშებს.

რუსეთში უკანასკნელი 24 საათის განმავლობაში 5529 ადამიანი დაავადდა კოვიდ 19-ით, ხოლო 84-მა კი ფატალურად დაასრულა სიცოცხლე. ინფექციის გავრცელების მთავარ კერას მოსკობი და სანკტ-პეტერბურგი წარმოადგენს. საერთო ჯამში რუსეთში მილიონზე მეტი ადამიანი დაავადდა კორონავირუსით, რომელთაგან 19 000-მდე ადამიანი გარდაიცვალა. ამ დროისთვის უკვე გამოჯანმრთელებულია 884 000 ადამიანი, ხოლო 171 000-მდე ჯერ კიდევ აქტიურ მკურნალობას გადის საავადმყოფოებში.