ორგანიზაცია CANINE COTTAGES-ის მიერ ჩატარებულ კვლევაში , სადაც 4 ტიპის ლეკვი იღებდა მონაწილეობას, ცხოველებს გულისცემის შესამოწმებელი სპეც საყელოები ჩააცვეს, რათა დაკვირვებოდნენ, თუ რა განაპირობებს ძაღლებში ყველაზე დიდი ემოციური განწყობის ჩამოყალიბებას პატრონებთან ურთიერთობის დროს.

7 დღის დაკვირვებით გამოვლინდა, რომ ოთხივე ტიპის ძაღლის საშუალო გულისცემა შეადგენდა წუთში 67-ს, ხოლო მას შემდეგ, რაც მათი პატრონები სიყვარულით მიმართავდნენ და ხმამაღლა ეუბნებოდნენ ფრაზა „ მე შენ მიყვარხარ“-ს მათი გულისცემა საგრძნობლად იზრდებოდა 46 %-ით და შეადგენდა წუთში 98-ს.

აგრეთვე კვლევებისა და დაკვირვებების შედეგად დადგინდა, რომ ძაღლები ძალზე მშვიდდებოდნენ პატრონთან ჩახუტების დროს- 23 %-ით მცირდებოდა გულისცემა 67-იდიდან 52-მდე.

CANINE COTTAGES-მა დაადგინა აგრეთვე ის ფაქტი, თუ რამდენად ხდება ემოციური განწყობის ცვლილება ადამიანებში მაშინ, როდესაც ისინი დიდი ხნის უნახავ შინაურ ცხოველებს მოინახულებენ- დადგინდა, რომ ადამიანებში გულის ცემა ასეთ დროს საშუალოზე 10 %-ით მაღალია.