ინდონეზიის ერთ-ერთ რეგიონში , აღმოსავლეთ ჯავაში ახალი შეზღუდვა შემოიღეს მათთვის, ვინც უარს აცხადებს პირბადეების ტარებაზე- აღნიშნულ ადამიანებს სასჯელის სახით მოუწევთ, გათხარონ საფლავები კორონავირუსით გარდაცვლილებისათვის. ამის შესახებ ბრიტანული მედია წერს.

გავრცელებული ინფორმაციით, გრესიკის პროვინციაში 8 ადამიანს აიძულეს, გაეთხარათ საველე საფლავები კოვიდინფიცირებულთათვის. აღნიშნულ ტერიტორიაზე სულ 1100 სახელდახელოდ შექმნილი საფლავია მოწყობილი, სადაც კორონავირუსით გარდაცვლილ ადამიანებს დაკრძალავენ.

ადგილობრივი მთავრობის ხელმძღვანელები იმედოვნებენ, რომ ზემოხსენებული სადამსჯელო ღონისძიება იქნება შემაკავებელი ფაქტორი სამომავლო კანონდამრღვევთათვის. შეგახსენებთ, რომ პაკისტანში მთავრობის დადგენილებით საჯარო სივრცეებსა და საზოგადოებრივ თავშეყრის ადგილებში გადაადგილება მხოლოდ პირბადით არის დაშვებული.

უკანასკნელი 24 საათის განმავლობაში ინდონეზიაში 3141 ადამიანი დაავადდა კორონავირუსით, ხოლო 118 შემთხვევა კი ფატალურად დასრულდა. საერთო ჯამში დაავადდა 221 523 ადამიანი, ხოლო 8841 პაციენტმა კი სიცოცხლე ფატალურად დაასრულა.