უკრაინის დედაქალაქ კიევში დამოუკიდებლობის მოედანზე ათასობით ადამიანი შეიკრიბა. საპროტესტო აქციის მონაწილეები მომიტინგეები მთავრობის იმ გადაწყვეტილებას აპროტესტებენ, რომლის მიხედვითაც, უკრაინა ევროკავშირთან ასოცირების ხელშეკრულებას არ გააფორმებს.

აქციის ორგანიზება კიეველებმა სოციალური ქსელის დახმარებით მოახერხეს. ადგილობრივი მედიის ინფორმაციით, დემონსტრანტების რიცხვი 2 ათასს არ აღემატებოდა. საპროტესტო აქციაზე მივიდნენ ოპოზიციური პოლიტიკური პარტიების ლიდერები, მათ შორის ცნობილი მოკრივე და პარტია “უდარ-ის“ ლიდერი ვლადიმერ კლიჩკო.

მთავრობის გადაწყვეტილება - არ გააფორმოს ევროკავშირთან ასოცირების ხელშეკრულება, უკრაინის ხელისუფლებამ რუსეთთან და დსთ-სთან ურთიერთობების გაღრმავების აუცილებლობით ახსნა.

საპროტესტო აქციები უჟგოროდში, დონეცკში, ლვოვსა და უკრაინის სხვა ქალაქებში გაიმართა.

კიევში საგანგებო ვიზიტით ევროკომისარი შტეფან ფულეც ჩაფრინდა.