ბრიუსელი კიევის გადაწყვეტილებით იმედგაცრუებულია. 

ევროკავშირის საგარეო ურთიერთობების ხელმძღვანელი, კეტრინ ეშტონი, სპეციალურ განცხადებას ავრცელებს, სადაც ნათქვამია, რომ ასოცირების ხელშეკრულებაზე ხელმოწერით უკრაინას ჰქონდა შანსი ეჩვენებინა უცხოელი ინვესტორებისთვის, რომ რეალურად ცდილობს მოდერნიზაციას და ეს იყო ყველაზე ამბიციური შეთანხმება, რაც კი ევროკავშირს რომელიმე ქვეყნისთვის შეუთავაზებია.

წერილში ნათქვამია, რომ ამ შანსზე უარის თქმით, ხელისუფლებამ ევროკავშირთან ერთად უკრაინელ ხალხსაც გაუცრუვა იმედი. უკრაინის გადაწყვეტილების შემდეგ ევროკომისარი, შტეფან ფულე კიევში საგანგებო ვიზიტით გაფრინდა, იგი დღეს ხელისუფლების წევრებთან და სამოქალაქო საზოგადოების წარმომადგენლებთან გამართავს შეხვედრებს.