თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ქვეყანაში ამ დროისთვის კორონავირუსით ინფიცირებული 831 პაციენტი მკურნალობს.

ეზუგბაიას თქმით, მათგან 4 პაციენტის მდგომარეობა კრიტიკულად მძიმეა, 25-ის მძიმე, დანარჩენების კი, საშუალო და მსუბუქი სიმძიმის.

"ჩვენს ცენტრში იყო 23 პაციენტი, გაეწერა 1 და დაგვემატა 6. ამ ეტაპზე გვყავს 28 დადასტურებული შემთხვევა. ამ 28 დადასტურებული შემთხვევიდან 1 არის კრიტიკულად მძიმე პაციენტი, ხოლო 3 მძიმე. ქვეყანაში 831 პაციენტიდან კრიტიკულად მძიმედ არის 4 პაციენტი და 25 არის მძიმე პაციენტი. დანარჩენი პაციენტების მდგომარეობა საშუალო და მსუბუქი სიმძიმის არის", - განაცხადა მარინა ეზუგბაიამ.