როგორც ეზუგბაიამ აღნიშნა, მოსალოდნელი ეპიდაფეთქება ზამთრის სეზონის დადგომასთან ერთად დაიწყება, როდესაც მწვავე რესპირატორული ინფექციები და სეზონური ვირუსების პერიოდი დადგება. ამ ეტაპზე კი ინფიცირებულთა რიცხვის ზრდა არის მხოლოდ და მხოლოდ შიდა ტურიზმთან დაკავშირებული მოვლენა, რაც პანიკის საფუძველკს ჯერ-ჯერობით არ იძლევა.

„ათეული შემთხვევების მატება სამედიცინო სექტორს არ დააწვება ძალიან მძიმე ტვირთად, ამ რიცხვებს ჯანდაცვის სისტემა გაუმკლავდება, მთავარია, არ იყოს ასეულობით შემთხვევა. ამისათვის კი, საჭიროა დავიცვათ ის რეგულაციები, რაც განსაზღვრულია ჯანდაცვის სისტემის მხრიდან, რათა არ მოხდეს ინფექციის ფართო მასშტაბებზე გავრცელება“, - განაცხადა მარინა ეზუგბაიამ.