ბელარუსის დედაქალაქ მინსკში, ნიღბიანმა პირებმა ბელარუსი ოპოზიციონერი, საკოორდინაციო საბჭოს პრესდიუმის წევრი, მაქსიმ ზნაკი გაურკვეველი მიმართულებით გაიტაცეს. ამის შესახებ ბელარუსული მედია წერს.

გავრცელებული ინფორმაციით, ზნაკი ვიქტორ ბაბარიკოს შტაბიდან გაიყვანეს. დაპატიმრების მიზეზი ამ დრომდე უცნობია. პოლიტიკოსის სახლში სამართალდამცავებმა „სანქცირებული ჩხრეკა“ ჩაატარეს.

შეგახსენებთ, რომ 7 სექტემბერს მინსკში ოპოზიციის ერთ-ერთი ლიდერი მარია კალესნიკოვაც გაიტაცეს. მეორე დღესვე სცადეს მისი უკრაინაში გადაყვანა, თუმცა მან პასპორტი დახია საზღვარზე, რის შემდეგაც მარია დააკავეს და უცნობი მიმართულებით წაიყვანეს- მისი ადგილსამყოფელი ამ დრომდე უცნობია.