სამხრეთ აფრიკაში დობერმანის ჯიშის მამაც ძაღლს ცეცხლსასროლი იარაღიდან მას შემდეგ ესროლეს, როდესაც იგი თავისი პატრონის დასაცავად ნიღბიან მძარცველებს თავს დაესხა. 58 წლის ლუდვიკ დე იაგერი ბანკში ხელფასის აღების შემდეგ მანქანით უკან ბრუნდებოდა, რა დროსაც სახლის კარებთან მას ორი მძარცველი დახვდა და იარაღს უმიზნებდა- მათთვის ფულის გადაცემას ითხოვდნენ. აღნიშნული ფაქტის დროს კი მამაკაცის ძაღლები, ნიკი და დუიველი თავდამსხმელების მოსაგერიებლად გაეშურნენ.

ნიკის, რომელსაც ტყვია მუცელში მოხვდა, 14 ნაკერის დადება დასჭირდა ჭრილობაზე- საბედნიეროდ ტყვია ძაღლის ყველა სასიცოცხლო ორგანოს აცდა.

ლუდვიკმა ჟურნალისტებთან საუბარში განაცხადა: „ მე ეგრევე შევამჩნიე, როდესაც მათ მანქანა ჩემს უკანა გზაზე გააჩერეს, მოვიდნენ ფანჯარასთან და მიბრძანეს რომ კარი გამეღო, რაც გავაკეთა კიდეც. მათ მანქანის გასაღები აიღეს, რაზეც მე არც კი მინერვიულია, რადგან ავტომობილი დაზღვეული იყო. ამის შემდეგ ფულის გადაცემა მომთხოვეს. ამ დროს კი სახლიდან ძაღლები გამოიქცნენ თავდამსხმელთა მიმართლებით, რომლებმაც ერთ-ერთი ბოროტმოქმედი წააქცია, საპასუხოდ კი მან სამჯერ გაისროლა. ძაღლის პატრონის განცხადებით, „გმირი დამცველი“ უკვე კარგადაა და გამოჯანმრთელების პროცესიც წარმატებულად მიმდინარეობს.