საქართველოს ჯანდაცვის მინისტრი, ეკატერინე ტიკარაძე აცხადებს, რომ დახურულ სივრცეებში ღონისძიებების ჩატარებას მონიტორინგს შრომითი ინსპექციის სამსახური შინაგან საქმეთა სამინისტროსთან ერთად გაუწევს.

ტიკარაძის თქმით დარღვევების შემთხვევაში საჯარიმო სანქციები გაცილებით უფრო მკაცრი იქნება .

„შეზღუდვები არის კვლავ იგივე, რაც იყო დღემდე. იკრძალება 200 კაცამდე თავშეყრა.

ამისათვის ჩვენ ვართ შემზადებულები. მანამდე ვიღებდით შეტყობინებას და ამ შეტყობინებაზე ვრეაგირებდით, როგორც სიტყვიერი გაფრთხილებით, ასევე ჯარიმებით, მაგრამ დღესდღეობით შრომითი ინსპექციის სამსახური შინაგან სამინისტროსთან ერთად განახორციელებს უფრო დეტალურ მოკვლევას და შესაბამისად, საჯარიმო სანქციებიც იქნება გაცილებით უფრო მკაცრი,“ - აღნიშნა ეკატერინე ტიკარაძემ.