ბრიტანული მედია ავრცელებს სენსაციურ ინფორმაციას ბელარუსში მიმდინარე პროცესებთან დაკავშირებით- როგორც ირკვევა, ოპოზიციის ლიდერი, მარია კოლესნიკოვა გაიტაცეს. იგი მინსკში, ქალაქის ცენტრალურ ქუჩაზე მინივენის ტიპის მანქანაში ძალის გამოყენებით ჩასვეს და გაურკვეველი მიმართულებით გაიტაცეს.

მისი პარტიის წევრთა და თანამებრძოლთა განცხადებით, ამ დრომდე დაუდგენელია თუ ვინ და სად გაიტაცა ოპოზიციონერი. სამართალდამცავები ამ დრომდე აგრძელებენ სათვალთვალო კამერების დათვალიერებას- პოლიციის განცხხადებით, ისინი აქტიურად იძიებენ აღნიშნულ ინციდენტს.

შეგახსენებთ, რომ მინსკში არეულობა მას შემდეგ დაიწყო, რაც 9 აგვისტოს საპრეზიდენტო არჩევნები ჩატარდა, რომელიც ოპოზიციისა და სამოქალაქო საზოგადოების ცნობით, ტოტალური გაყალბებისა და დარღვევების ფონზე მიმდინარეობდა. ჩატარებული არჩევნები ლეგიტიმურად არ სცნო ევროკავშირმა და ამერიკის შეერთებულმა შტატებმა. პოლიციელთა მიერ მშვიდობიანი აქციების საწინააღმდეგოდ გამოყენებულ ძალას რამდენიმე დემონსტრანტის სიცოცხლე შეეწირა და ათასობით მათგანი მძიმედ დაშავდა.