არგენტინაში კორონავირუსით დაინფიცირებული მასწავლებელი, რომელიც თავის მოსწავლეებს ონლაინ ლექციას ZOOM-ის ვიდეოკონფერენციის საშუალებით უკითხავდა, სტუდენტების თვალწინ სუნთქვის გართულებული პრობლემების ფონზე უგონოდ დაეცა- იგი აღნიშული შემთხვევისგან მოგვიანებით გარდაიცვალა.

ლექციის მსვლელობის განმავლობაში 46 წლის პაოლა დე სიმონემ სტუდენტებს განუცხადა, რომ იგი თავს ცუდად გრძნობდა და ნორმალურად ვერ სუნთქავდა. რამდენიმე მოსწავლემ ვიდეოკონფერენციის დროს თავის ლექტორს მოსთხოვეს, რომ მისი მისამართი მათთვის გაემხილა, თუმცა პროფესორმა სტუდენტებისთვის მხოლოდ ორი სიტვის თქმა („მე არ შემიძლია“) მოასწრო, რომლის შემდეგაც იგი უგონოდ წაიქცა.

გარდაცვალებამდე რამდენიმე დღით ადრე მასწავლებელი წუხილს გამოთქვამდა თავის ჯანმრთელობასთან დაკავშირებით და ამბობდა, რომ უკანასკნელი 1 თვის განმავლობაში კორონავირუსის სიმპტომებით „იტანჯებოდა“.

როგორც აღმოჩნდა, პაოლა კოვიდ 19-ით ყოფილა ინფიცირებული- მას ორმხრივი მძიმე პნეუმონია ჰქონდა და სუნთქვას ვერ ახერხებდა.იგი მიუხედავად აღნიშნულისა, მუშაობას აგრძელებდა და მოსწავლეებთან ურთიერთობას არ წყვეტდა.