გერმანიის დასავლეთით, ქალაქ ზოლინგენში დედამ 5 შვილი მოკლა და თვითმკვლელობა სცადა. პოლიციამ ბინაში ერთი, ორი, სამი, ხუთი და რვა წლის ბავშვების ცხედარი იპოვა.

პოლიციაში ბებიამ დარეკა, რომელმაც მათ მკვლელობის შესახებ აცნობა და განუცხადა, რომ მისი 27 წლის ქალიშვილი 11 წლის ვაჟთან ერთად სხვა ქალაქში მიემგზავრებოდა.

5 შვილის მკვლელობაში ეჭვმიტანილმა ქალმა თვითმკვლელობა სცადა და მატარებელს წინ გადაუდგა. ქალი მძიმე დაზიანებებით საავადმყოფოში გადაიყვანეს და პოლიციის ზედამხედველობის ქვეშ იმყოფება. 11 წლის ბავშვი არ დაზარალებულა და ის ახლა ბებიასთან იმყოფება.

პოლიციის განცხადებით, აღნიშნულ ფაქტზე მიმდინარეობს გამოძიება.