აშშ-ში ჯორჯიას შტატში მას შემდეგ რაც სატვირთოს მძღოლი სკოლის ავტობუსს დაეჯახა, იგი უმალვე გამოვიდა მანქანიდან, ბავშვები სიკვდილს გადაარჩინა, რომლის შემდეგაც მოულოდნელად დაეცა და გარდაიცვალა. საერთო ჯამში 10-მდე სტუდენტი და ავტობუსის მძღოლი გადაარჩინა სატვირთოს მძღოლმა. გავრცელებული ინფორმაციით, იგიც ძალზე დაშავებული იყო, თუმცა ემოციურმა მდგომარეობამ და ადრენალინმა დაავიწყა დაზიანებები და სხვების სიცოცხლის გადასარჩენად გაეშურა.

დღის 3-ის ნახევარზე, როდესაც სკოლის ავტობუსში ბავშვები კოლეჯის მიმდებარე ტერიტორიასთან სხდებოდნენ, მოულოდნელად სასწავლებლის სატრანსპორტო საშუალებას უკნიდან სატვირთო ავტომობილზე მჯდომი ჯონათან გრეიერი დაეჯახა.

ჟურნალისტების განცხადებით, სატვირთო 50-იდან 60-მდე მილის სისწრაფით გადაადგილდებოდა, რა დროსაც დაარტყა სკოლის ავტობუსს. დარტყმის შედეგად სატვირთოს უკანა ნაწილი მაღლა აიწია, რა დროსაც მეტალის ნამსხვრევები და ფრაგმენტები გავრცელდა გზაზე. სწორედ ამ დროს წაიბორძიკა და ჩამოვარდა დაზიანებული მანქანიდან 25 წლის მძღოლი.სათვალთვალო კამერიდან ჩანს, თუ როგორ გამოჰყავს სკოლის ავტობუსიდან სატვირთოს მძღოლს ბავშვები- ბოლო არასრულწლოვნის გამოყვანის შემდეგ, გრეიერმა თავი ცუდად იგრძნო და დაეცა.

მამაკაცი ფლორიდის საავადმყოფოში გადაიყვანეს, თუმცა მიყვანისთანავე გარდაიცვალა. თითოეულ სკოლის მოსწავლეს დაზიანებები აღენიშნებოდათ- მათ შორის დამტვრეული ძვლები და სისხლდენები, თუმცა არც ერთი მათგანის შემთხვევა არ იყო სიცოცხლისთვის საფრთხის შემცველი.