იტალიის ყოფილი პრემიერ-მინისტრი, სილვიო ბერლუსკონი, რომელსაც კოროანვირუსი დაუდასტურდა, საავადმყოფოში ჯანმრთელობის მდგომარეობის გაუარესების ფონზე გადაიყვანეს. მას ორმხრივი პნეუმონია დაუდგინდა.

შეგახსენებთ, რომ ორმხრივი პნეუმონია ძლიერად აზიანებს ადამიანის ორივე ფილტვსი, რომელსაც სუნთქვის სერიოზული პრობლემების გამოწვევა შეუძლია. 83 წლის ბერლუსკონი მილანის სან რაფაელის საავადმყოფოში გადაიყვანეს. SKY ITALIA-ს თქმით, იგი ინტენსიურ პალატაში არ იმყოფება, თუმცა სუნთქვასთან დაკავშირებული მძიმე პრობლემები აღენიშნება.

შეგახსენებთ, რომ ბერლუსკონის 4 წლის წინ ჩაუტარდა გულის მნიშვნელოვანი ოპერაცია, რომლის შემდეგაც მან საჯაროდ გამოჩენა შეწყვიტა.

იტალიაში კორონავირუსის 272 912 შემთხვევაა დაფიქსირებული, რომელთაგან 35 000-ზე მეტი ფატალურად დასრულდა. ამ დრომდე 28 000 პაციენტი იმყოფება მკურნალობის ქვეშ.