უკრაინაში, ოდესის რაიონის ადმინისტრაციულმა სასამართლომ რუსულ ენას რეგიონალური ენის სტატუსი ჩამოართვა. ამის შესახებ რუსული მედია იტყობინება.

8 წლის წინ, 2012 წელს ოდესის საკრებულოს გადაწყვეტილებით, რუსულ ენას ქალაქში რეგიონალური ენის სტატუსი მიანიჭეს, თუმცა მას შემდეგ რაც რუსეთმა მოახდინა უკრაინის ტერიტორიის ანექსია და ოკუპირება, უკვე რამდენიმე წელია დღის წესრიგში აქტიურად დგას სამოქალაქო ჯგუფებისა და პოლიტიკოსების მხრიდან ზემოხსენებული გადაწყვეტილების გაუქმებასთან დაკავშირებით.

ზემოხსენებული გადაწყვეტილება წლების წინ იმ ფონზე იქნა მიღებული, რომ ქალაქის მოსახლეობის 10 %-ზე მეტი შეადგენდა რუსი ეთნიკური უმცირესობის წარმომადგენლებს. დღეს საკრებულოს გადაწყვეტილება სასამართლოს დასკვნით არაკონსტიტუციურად გამოცხადდა.

უკანასკნელი თვეების განმავლობაში უკრაინის საკანონმდებლო ორგანოში დარეგისტრირდა კანონი სახელმწიფო ენის შესახებ, რომლის მიხედვითაც უკრაინული აღიარებულია, როგორც ერთადერთ ოფიციალურ ენად ქვეყანაში. 1 სექტემბრიდან ოფიციალურად აიკრძალა სახელმწიფოს ტერიტორიაზე არსებულ სკოლებში რუსულ ენაზე სწავლა-განათლების წარმოება, დაშვებულია მხოლოდ უკრაინული.