კომუნისტური რეჟიმის ციხის ზედამხედველი, რომელმაც 16 000 ადამიანი მოკლა- ბავშვები და ქალები სამედიცინო ექსპერიმენტებითა და განსაკუთრებული სისასტიკით დახოცა, საავადმყოფოში "ბუნებრივი სიკვდილით მშვიდობიანად გარდაიცვალა“

მსოფლიო - 16:46, 03 Sep, 2020

1767

კამბოჯის ყოფილი კომუნისტური პარტიის ერთ-ერთი ლიდერი ციხის ზედამხედველი, რომელმაც 16 000 კამობეჯელი მოკლა, გასცა ბრძანება ბავშვების სიკვდილამდე ცემის, განახორციელა ათასობით სამედიცინო ექსპერიმენტი ცოცხალ პატიმრებზე, მშვიდობიანად-ბუნებრივი სიკვდილით გარდაიცვალა საავადმყოფოში 77 წლის ასაკში.

კენგ გეაკ ევის, მეტსახელად ამხანაგ დუჩის ციხეში სამუდამო პატიმრობა ჰქონდა მისჯილი კაცობრიობის წინაშე ჩადენილი დანაშაულების გამო, რომლის დროსაც ათიათასობით მამაკაცზე, ბავშვებსა და ქალებზე სასტიკად ძალადობდნენ მის დაქვემდებარებაში მყოფი ჯარისკაცები, მისივე ბრძანებით.

მისი განკარგულებით, მწამებლები გამუდმებით სცემდნენ, ამათრახებდნენ პატიმრებს და ელექტრო შოკებზე აერთებდნენ, აგრეთვე ხოცავდნენ მოკლული ქალებისა და კაცების შვილებსაც, რათა მათ მომავალში აღნიშნული ფაქტის გამო შურისძიების წყურვილი არ გასჩენოდათ.

როდესაც იგი პირველად 30 წლის შემდეგ წარსდგა სასამართლოს წინაშე რეჟიმის მიერ ჩადენილი დანაშაულების გამო, მან საკუთარი თავი აღიარა, როგორც კრიმინალურად პასუხისმგებელი იმ სისასტიკეების გამო, რომელმაც შეიწირა ათიათასობით ადამიანის სიცოცხლე.

დუჩი კამბოჯის საავადმყოფოში ოთხშაბათს გარდაიცვალა სუნთქვისგან გამოწვეული გართულებების გამო. ამ დრომდე მიმდინარეობს მის სხეულზე გამოკვლევა, რათა დადგინდეს გარდაცვალების მიზეზი, რომლის შემდეგაც გვამს ოჯახს გადასცემენ.

დუჩი ერთადერთი კამბოჯელი მაღალჩინოსანია, რომელიც გაეროს მიერ მოწყობილ სამხედრო ტრიბუნალის წინაშე წარსდგა იმ დანაშაულებრივი ქმედებების გამო, რომელსაც კომუნისტური რეჟიმი ქვეყანაში 1970-იან წლებში ახორციელებდა. მიმდინარე სადამსჯელო ღონისძიებების გამო აღნიშნულ პერიოდში სულ 1.7 მილიონი ადამიანი, ქვეყნის მოსახლეობის მეოთხედი იქნა მოკლული მმართველი ხელისუფლების განკარგულებით.

კომუნისტური რეჟიმის მიერ მოწყობილი „გენოციდი“ საკუთარი ხალხის მიმართ ხორციელდებოდა 1975-1979 წლებში. ადამიანებს, რომლებიც რეჟიმის ბრძანებებს არ ემორჩილებოდნენ ან, წინააღმდეგობის გაწევას ცდილობდნენ, მათ ოჯახებიანად აპატიმრებდნენ და ხოცავდნენ ცეცხსლასროლი იარაღით, სამედიცინო ექსპერიმენტებით, შიმშილითა და სხვადასხვა მიზეზებით.

სოციალურ ქსელში გავრცელდა 2007 წელს გადაღებული ფოტო, რომელიც ასახავს ბრუტალური კამბოჯური რეჟიმის მიერ მოკლული ადამიანების სხეულის ნარჩენებს- თავის ქალებსა და ძვლებს.