მას შემდეგ, რაც აშშ-ს სოციალურ ქსელებსა და მედიასაშუალებებში პოლიციის მიერ არადამიანური მოპყრობისა და რასიზმის ნიადაგზე შავკანიანი მამაკაცის მკვლელობის ამსახველი ვიდეო გამოქვეყნდა, კიდევ ერთხელ იფეთქა საპროტესტო მუხტმა ქალაქ როჩესტერში, რა დროსაც დემონსტრანტები პოლიციის შენობასთან შეიკრიბეს და მკვლელობაში მონაწილე სამართალდამცველთა უმკაცრესად დასჯა მოითხოვეს.

საუბარია ნიუ-იორკის შტატში განხორციელებული სასტიკი მკვლელობის ამსახველ ვიდეოზე, სადაც ჩანს 41 წლის ბორკილებდადებული შიშველი მამაკაცი, რომელიც პოლიციის ბრძანებით მიწაზე გაუნძრევლად წვება. მას შემდეგ, რაც დაკავებულმა პიროვნებამ ოფიცრებს შეურაცხყოფის მიყენების ფონზე მოსთხოვა რომ გაეთავისუფლებინათ, მას სახეზე თავსაბურავი ჩამოაფარეს, რომლის გამოც სუნთქვას ვერ ახერხებდა. ამის შემდეგ პოლიციელი მასთან მივიდა და ყელზე ხელით მთელი ძალით აწვებოდა და იქმადე არ აუშვა, სანამ მსხვერპლა სუნთქვა არ შეწყვიტა.

დენიელ პრუდმა გონება დაკარგა აღნიშნული ინციდენტის გამო და 30 მარტს, საავადმყოფოში, მომხდარი ფაქტიდან 7 დღის შემდეგ ხელოვნური სუნთქვის აპარატიდან გამორთეს, რა დროსაც მისი სიკვდილი ოფიციალურად დადასტურდა. სამედიცინო ექსპერტებმა დაადასტურეს რომ მისი გარდაცვალება იყო განზრახ მკვლელობით, ასფიქსიის ფონზე გამოწვეული სუნთქვის უკმარისობის შედეგად გამოწვეული.

პრუდის ოჯახის წევრებმა ზემოხსენებული ტრაგიკული შემთხვევის ამსახველი ვიდეოკადრები პრესკონფერენციაზე გამოაქვეყნეს, რასაც საზოგადოების მხრიდან მყისიერად სოლიდარული და პოლიციელთა მიმართ ძალზე ნეგატიური დამოკიდებულების გაღვივება მოჰყვა.

გავრცელებული ინფორმაციით, 23 მარტს დილის 3:15 საათზე ჯო პრუდმა 911-ში დარეკა და დახმარება გამოიძახა მას შემდეგ, რაც მის ძმას, ფსიქიკური აშლილობის შედეგად შეტევა დაემართა, თუმცა მის ზარზე დროულად არ მივიდნენ დასახმარებლად, რომლის შემდეგაც პრუდმა დატოვა სახლი ბრეტელებიანი მაისურით, წინდებსა და საცვლებში გამოწყობილმა. მან პროტესტის ნიშნად ქუჩაში გაიხადა და სრულიად შიშველმა ყვირილი დაიწყო, რომლის შემდეგაც გამვლელმა ადამიანებმა პოლიცია გამოიძახეს და იგი დააკავეს.