აშშ-ში კორონავირუსის შემთხვევათა რაოდენობა ყოველდღიურად მასშტაბურად იმატებს. დიდია აგრეთვე კოვიდ 19-ის ინფექციის გავრცელების შემთხვევები ახალგაზრდებშიც- უკანასკნელი დღეების განმავლობაში სტატისტიკური მონაცემებით დადგინდა, რომ 37 შტატში არსებულ კოლეჯებსა და უნივერსიტეტში მოსწავლე სტუდენტთაგან 25 000 მათგანი დაინფიცირდა კოვიდ 19-ით. სკოლები და კოლეჯები მასშტაბურად იხსნება- ვირუსი კი უფრო გამძვინვარებულად უტევს ამერიკის სასწავლებლებს.

სულ, აშშ-ში, უკანასკნელი მონაცემების თანახმად, 6 258 901 ადამიანი დაინფიცირდა კოვიდ 19-ისგან, რომელთაგან 3 500 000-ზე მეტი გამოაჯანმრთელეს, ხოლო 188 000-ზე მეტი კი გარდაიცვალა. ამ დრომდე რჩება 2 500 000 პაციენტი, რომელთაც აქტიურ მკურნალობას უტარებენ კოვიდ 19-ზე. ხელისუფლების განცხადებით, სამედიცინო აღჭურვილობა უკვე საკმარისზე მეტი აქვთ ქვეყანაში და ვირუსით ახალ ინფიცირებულთა რაოდენობის მილიონობით ზრდის შემთხვევაშიც უზრუნველყოფენ სრულ მობილიზებას და თითოეულ პაციენტს უმკურნალებენ.