სოციალურ ქსელ ტვიტერში ვრცელდება ვიდეო კადრები, სადაც ასახულია თუ როგორ ცდილობს ინდიანაპოლისის “STARBUCKS”-ის თანამშრომელი პოლიციელებისთვის მომწამვლელი სასმელის დამზადებას. ვიდეოში მამაკაცი იმ მოტივით ხსნის თავის ნაბიჯს, რომ მას უნდა მოძალადე, შავკანიანი ადამიანების მიმართ ნეგატიურად განწყობილ პოლიციელებს სიკვდილი უსურვოს.

ზემოხსენებული ვიდეო თავიდან აიტვირთა სოციალურ ქსელ TikTok-ზე, სადაც ჩანს ბარმენი, რომელსაც ხელში პლასმასის ჭიქა უჭირავს წარწერით „ ლურჯ ცხოვრებას აქვს მნიშვნელობა“. იგი ასხამს მომწამვლელ, მათეთრებელ სითხეს, შემდეგ ამატებს ყინულს რაზეც ამბობს, რომ "პოლიციელებს უყვართ ყინული", ბოლოს კი გაურკვეველ წითელ სითხესაც ამატებს, რაზეც ამბობს, რომ ეს გახლავთ იმ უდანაშაულო შავკანიანი კაცების სისხლი, რომლებიც პოლიციელებმა დაღვარეს.

მას შემდეგ, რაც სოციალურ ქსელში გავრცელდა აღნიშული ვიდეო, “STARBUCKS”-ის ოფიციალურმა ხელმძღვანელობამ დაგმო თანამშრომლის ქმედება და განაცხადა: „ ვიდეო არის შემაძრწუნებელი და მიუღებელი. ჩვენ ვერ ვიქნებით მის მიმართ ტოლერანტულნი ამ ფაქტის შემდეგ, გვსურს, რომ ყველა სტუმარს მოვეპყრათ პატივისცემით. ჩვენ გავათავისუფლეთ თანამშრომელი, რომელმაც ის ცნობილი ვიდეო ინტერნეტში განათავსა“.