ბელარუსის პრეზიდენტმა ალექსანდრე ლუკაშენკომ განაცხადა, რომ რუსეთის პრეზიდენტთან, ვლადიმერ პუტინთან ერთად იგი შეინარჩუნებს მათ საერთო სამშობლოს ბრესტიდან ვლადივოსტოკამდე.

“რატომ უნდა ველოდოთ შევიწროებას და ზეწოლას დასავლეთიდან, რომ ისევ ძმები გავხდეთ? ეს გაკვეთილია. შესაბამის დასკვნებს გავაკეთებთ. რუსეთის პრეზიდენთან ერთად დასკვნები უკვე გაკეთებულია. რაც არ უნდა ილაპარაკონ მათ, რაც არ უნდა იყბედონ და იწიკვინონ ჩვენ მოედნებზე, ჩვენ ჩვენს საერთო სამშობლოს შევინარჩუნებთ.

აუცილებლად შევინარჩუნებთ ერთობლივ მამულს, სადაც ერთი ფესვის მქონე ორი ერი ცხოვრობს. ეს მამული კი ბრესტიდან ვლადივოსტოკამდეა“ - განაცხადა ლუკაშენკომ

ბელარუსის ლიდერის თქმით, მის ქვეყანას არასოდეს უღალატია რუსეთისთვის-

„მე სხვადასხვა ვექტორულ პოლიტიკას ვატარებდი. თქვენ გგონიათ მე არ მესმის, რომ ამერიკასა და ევროპას ასი წელი არაფერში არ ვჭირდებით“.