უკრაინაში 1 სექტემბრიდან ძალაში შედის კანონი „სრული საშუალო განათლების შესახებ“, რომლის თანახმადაც ქვეყანაში არსებული ყველა რუსულენოვანი სკოლისთვის სავალდებულო იქნება, სწავლა-განათლება დაიწყონ უკრაინულ ენაზე. აღნიშნული კანონი ოფიციალურად მიიღო რადამ 16 იანვარს.

უკრაინაში სახელმწიფო ენად უკრაინულია გამოცხადებული, თუმცა ამავდროულად ქვეყნის კონსტიტუცია უზრუნველყოფს ეროვნული უმცირესობების, რუსული ენისა და სხვა ენების თავისუფალ განვითარებას, მათ გამოყენებას და დაცვას.

2004 წელს კიევის საერთაშორისო სოციოლოგიის ინსტიტუტის მიერ ჩატარებული გამოკითხვის თანახმად გამოცხადებული იყო, რომ მოსახლეობის 43-46 % სახლში რუსულად საუბრობს.