კოლუმბიის მთავრობასა და სამართალდამცავ უწყებებს სურთ, განაახლონ ნარკო კარტელის მფლობელობაში არსებული კოკაინის მცენარეების ტოქსიკური ნივთიერებებით შეწამვლა. საუბარია ჰაერიდან, თვითმფრინავებითა და ვერტმფრენებით გლიფოსატის ტოქსიკური ნივთიერებით პლანტაციების შეწამვლაზე. აღნიშნული ნივთიერება ჯანმრთელობის მსოფლიო ორგანიზაციის თქმით, დაკავშირებულია კიბოსთან და ადამიანებისთვის სიმსივნის გამომწვევია.

კოლუმბიის მთავრობა აცხადებს, რომ აღნიშნული ქმედება უსაფრთხო იქნება, თუმცა ეპიდემიოლოგები და მედიცინის მუშაკები ამ ფორმით ნარკოტიკების გავრცელებასთან ბრძოლას კატეგორიულად ეწინააღმდეგებიან, რადგან მათი აზრით, კარტელის წევრები დაბინძურებულ ნარკოტიკს მაინც გაიტანენ ბაზარზე, რასაც სავალალო შედეგები ექნება ადამიანებისთვის.

კოლუმბიის პრეზიდენტის , ივან დუკეს განცხადებით, ზემოხსენებული მეთოდით მასობრივად შემცირდება კოკაინის მცენარის მოსავალი, რაც შეამცირებს ტრეფიკინგსა და ძალადობას ბანდებს შორის.

შეგახსენებთ, რომ კოლუმბია მსოფლიოს კოკაინის 70 %-ისთ ამარაგებს.