რუსეთში კორონავირუსით ინფიცირების შემთხვევათა რაოდენობამ მილიონს გადააჭარბა. უკანასკნელი 24 საათის განმავლობაში 4729 ახალი შემთხვევა დაფიქსირდა. ამის შესახებ კოვიდ 19-თან მებრძოლმა ოპერატიულმა შტაბმა განაცხადა.

დღე-ღამის განმავლობაში მოსკოვში 641 ადამიანი დაინფიცირდა, პეტერბურგში 185, როსტოვში კი 133. ინფექციით დაღუპულთა რაოდენობაც ყოველდღიურად იზრდება- უკვე 17 000-ზე მეტი ადამიანია გარდაცვლილი, ხოლო 815 000-მა კი დაამარცხა ვირუსი და უმრავლესი მათგანი სახლში გაწერეს.

მთელ მსოფლიოში კოვიდ 19-ით ინფიცირებულთა რაოდენობამ 25.2 მილიონ ადამიანს გადააჭარბა, რომლიდანაც 846 000 გარდაიცვალა. ჯონ ჰოპკინსის უნივერსიტეტის სტატისტიკური ანალიზის თანახმად, ინფიცირებულთა რაოდენობით პირველ ადგილზე ამერიკის შეერთებული შტატებია, სადაც დაავადებულთა რიცხვმა 6 მილიონს გადააჭარბა, ბრაზილია 3.9 მილიონია, ხოლო ინდოეთში კი 3.6

მეცნიერთა თქმით, ამ დრომდე რთულია პროგნოზირება თუ როდის იქნება ვაქცინა ან სამკურნალო პრეპარატი, რომლითაც მოხდება ვირუსის დამარცხება. ამერიკის ჯანდაცვის მთავარი უწყების თქმით, ვაქცინაზე მუშაობა უკვე გადამწყვეტ ფაზაშია შესული და შესაძლოა მომავალი წლის გაზაფხულზე უკვე მასობრივი წარმოება დაიწყონ მთელი მსოფლიოსთვის.