კონგოში შეიარაღებული სამხედროები სკოლაში შეიჭრნენ და მდედრობითი სქესის სტუდენტები გააუპატიურეს. თავდასხმა უშუალოდ მოხდა ქალაგ, ისიროს საგამოცდო ცენტრზე, სადაც 35 სტუდენტი იყო თავმოყრილი.

ადგილობრივი სასულიერო პირის თქმით, სტუდენტები გამოცდაზე ორშაბათს მოვიდნენ- თავდასხმის დროს ისინი საგამოცდო საკითხებს წერდნენ. მედიის ცნობით, მას შემდეგ რაც მეორე საგამოცდო ცენტრზეც მოხდა თავდასხმა, ასეულობით სტუდენტი გაიქცა შემთხვევის ადგილიდან.

საერთო ჯამში, სულ 700-მდე მასწავლებელმა და სტუდენტმა დატოვა საგამოცდო ცენტრი აღნიშული თავდასხმის ფონზე. ადგილობრივი არმიის სპიკერის თქმით, სამხედროებს ამ ქმედებით სურდათ, გამოცდების ჩაშლა და საბოტაჟის მოწყობა.

შეგახსენებთ, რომ კონგოში კორონავირუსის გამო სკოლის დამამთავრებელი გამოცდები გადადებული იყო- სწორედ უნივერსიტეტში მისაღებ გამოცდებს წერდნენ ის ახალგაზრდები, რომლებიც ზემოხსენებული თავდასხმის მსხვერპლნი აღმოჩნდნენ.