დონალტ ტრამპის განცხადებით, იმ შემთხვევაში თუ ჯო ბაიდენი გახდება ქვეყნის პრეზიდენტი, აშშ-ს რადიკალური მემარცხენე ძალებისგან ელოდება რევოლუცია. „ისინი აიღებენ ხელში ძალაუფლებას, თუ ბაიდენი მოვა. იგი ძალზე სუსტი ადამიანია. მას აკონტროლებენ ისე, როგორც სათამაშოს... ეს რევოლუციაა“- განაცხადა ტრამპმა FOX NEWS-სთან ინტერვიუში.

მისი თქმით, ჯო ბაიდენი მთელი სიცოცხლის მანძილზე სუსტი ადამიანი იყო და აქედან გამომდინარე მას არ უნდა მიეღო მონაწილეობა საპრეზიდენტო არჩევნებში. ტელეწამყვანის შეკითხვაზე, თუ ვინ აკონტროლებს ბაიდენს, ტრამპმა აღნიშნა, რომ იგი ამ ხალხს არ იცნობს და არც დეტალებში შესვლა აინტერესებს.

აშშ-ს მოქმედ პრეზიდენტს აგრეთვე შეკითხვა დაუსვეს, უნდოდა თუ არა მას, რომ რესპუბლიკური პარტიის მხარდამჭერები დაუპირისპირდნენ მემარცხენე მოძრაობის წევრებს,რაზეც მან განაცხადა: „ არა, მე ეს არ მინდა, ამას სამართალდამცავი უწყებები მოაგვარებენ“.